Իրանի նախագահ Մասուդ Փեզեշքիանի պաշտոնական այցը Բելառուս նշանավորում է երկու երկրների միջև հարաբերությունների զարգացման նոր փուլ։ Այս մասին հայտարարել է Բելառուսի նախագահ Ալեքսանդր Լուկաշենկոն իր իրանցի գործընկերոջ հետ լայն կազմով բանակցությունների ժամանակ։
«Ձեր այցը նշանավորում է երկկողմ հարաբերությունների զարգացման նոր փուլ՝ ամրապնդելով փոխադարձ հարգանքի և վստահության վրա հիմնված մեր գործընկերությունը։
Աշխարհաքաղաքական անկայունության պայմաններում Մինսկը և Թեհրանը հետևողական և հավասարակշռված քայլեր են ձեռնարկում համագործակցությունը հետագա զարգացնելու համար և աշխատում են յուրաքանչյուր նոր մարտահրավերը նոր հնարավորության վերածելու ուղղությամբ», - ասել է Բելառուսի նախագահը։
Նա հիշեցրել է, որ կողմերը համաձայնության են եկել Փեզեշքիանի Մինսկ այցի վերաբերյալ՝ 2024 թվականի աշնանը Կազանում կայանալիք BRICS գագաթնաժողովի շրջանակներում։
«Մեկ անգամ ևս ցանկանում եմ երախտագիտության խոսքեր ասել մեր իրանցի ընկերներին Բելառուսին այս միջազգային միավորման գործընկեր երկրի կարգավիճակ ստանալու գործում ցուցաբերած օգնության համար», - նշել է Լուկաշենկոն։
