Իսրայելցի զինվորները կրակ են բացել Գազայի հատվածի կենտրոնական մասում գտնվող Նուսեյրաթի փախստականների ճամբարի մոտ գտնվող պաղեստինցիների խմբի վրա։
Ինչպես հաղորդում է կատարյան «Ալ Ջազիրա» հեռուստաալիքը, հավաքվածները սպասում էին մարդասիրական օգնության մատակարարմանը։
Հեռուստաալիքի տվյալներով՝ միջադեպի հետևանքով զոհվել է առնվազն ութ մարդ։
Մերձավոր Արևելքում իրավիճակը կտրուկ վատթարացել է 2023 թվականի հոկտեմբերի 7-ին Գազայի հատվածից Իսրայելի տարածք արմատական պաղեստինյան ՀԱՄԱՍ շարժման զինված կողմնակիցների ներթափանցումից հետո, որն ուղեկցվել է սահմանամերձ բնակավայրերի բնակիչների սպանություններով և ավելի քան 250 պատանդների վերցմամբ։
