Սիրիայի արտաքին գործերի նախարար Ասաադ ալ-Շեյբանին օգոստոսի 19-ին Փարիզում բանակցություններ է վարել իսրայելական պատվիրակության հետ, որոնք նվիրված էին Աս-Սուվեյդա հարավային նահանգում իրավիճակի լիցքաթափմանը, հաղորդում է SANA գործակալությունը՝ հղում անելով դիվանագիտական աղբյուրներին: Նրանց տվյալներով՝ հանդիպումը տեղի է ունեցել ԱՄՆ միջնորդական ջանքերի արդյունքում:
«Կողմերը քննարկել են Սիրիայի հարավում անվտանգության և կայունության ամրապնդմանն ուղղված համաձայնագրերը, ինչպես նաև Գոլանի բարձունքներում իսրայելական և սիրիական ուժերի դուրսբերման վերաբերյալ 1974 թվականի համաձայնագրի վերականգնման պայմանները», – հաղորդում է գործակալությունը։
Օգոստոսի 12-ին Սիրիայի արտաքին գործերի նախարարության ղեկավարը Ամմանում հանդիպել է իր հորդանանցի գործընկեր Այման ալ-Սաֆադիի և ԱՄՆ հատուկ ներկայացուցիչ Թոմաս Բարաքի հետ։ Բանակցությունները նվիրված էին երեք կողմերի միջև համակարգմանը «Սիրիայում կայունության, ինքնիշխանության և տարածաշրջանային անվտանգության պահպանման շահերից ելնելով»։
