ԱՄՆ նախագահ Դոնալդ Թրամփի և Ռուսաստանի առաջնորդ Վլադիմիր Պուտինի միջև Ալյասկայում կայացած հանդիպումը խաղաղության հասնելու քայլ է։
Վրաստանի խորհրդարանի նախագահ Շալվա Պապուաշվիլին այս մասին գրել է Facebook-ում:
«ԱՄՆ-ի և Ռուսաստանի նախագահների հանդիպումը Ալյասկայում, որի կարգախոսն էր «Խաղաղության ձգտում» արտահայտությունը, իսկապես քայլ է դեպի խաղաղություն։
Ընտրվելու օրվանից նախագահ Թրամփը հաճախ է կրկնել, որ ցանկանում է դադարեցնել պատերազմը և հասնել խաղաղության, և Ուկրաինայում պատերազմը երբեք տեղի չէր ունենա, եթե նա նախագահ լիներ», - գրել է Պապուաշվիլին։
Ինչպես նշել է Վրաստանի խորհրդարանի ղեկավարը, Պուտինը նույնպես համաձայն է դրա հետ։
«Եթե խաղաղությունը հնարավոր էր, և ամերիկյան նախագահն ուներ ազդեցության լծակ գործընթացների վրա, սա հաստատում է, որ պատերազմ է ընթանում Ռուսաստանի և Արևմուտքի միջև», - ընդգծել էՊապուաշվիլին։
