Ակցիայի կազմակերպիչները պահանջում են, որ Թրամփը «փոխի Ռուսաստանի նախագահի հետ բանակցությունների հռետորաբանությունն ու օրակարգը՝ տարածքների փոխանակումը փոխարինելով գերիների փոխանակմամբ՝ «բոլորը բոլորի դիմաց» ձևաչափով։
Մասնակիցները միջոցառման համար պատրաստել են ոչ միայն պաստառներ, այլև մարզաշապիկներ և նույնիսկ նամակներ ԱՄՆ նախագահին։ Մարդկանց առաջարկվում է ստորագրել Թրամփին ուղղված նախապես տպագրված կոչերը երկու տարբերակով՝ անգլերեն և ուկրաիներեն։
Փետրվարին և մարտին Վաշինգտոնի և Կիևի միջև լարվածության սրման ֆոնին ԱՄՆ դեսպանատան դիմաց արդեն անցկացվել են մի շարք հանրահավաքներ։ Այդ ժամանակ ցուցարարները իրենց հետ բերել էին Թրամփի ծաղրանկարներով պաստառներ։
Միևնույն ժամանակ, ընդդիմադիր տրամադրված Գերագույն ռադայի պատգամավոր Ալեքսանդր Դուբինսկին նշել է, որ Կիևում ԱՄՆ դեսպանատան մոտ բողոքի ցույցերը կազմակերպում է Ուկրաինայի անվտանգության ծառայությունը (ՈւԱԾ):
