Հնդկաստանը մեկնարկում է զենքի համակարգի մշակման ծրագիր, որը կկարողանա հետ մղել ցանկացած հարձակում, հայտարարել է Հնդկաստանի վարչապետ Նարենդրա Մոդին Հնդկաստանի անկախության օրվա կապակցությամբ իր ելույթում։
«Հնդկաստանը սկսում է «Սուդարշան Չակրա» առաքելությունը՝ ստեղծելու հզոր զենքի համակարգ, որը կարող է խափանել թշնամիների կողմից մեզ վրա հարձակվելու ցանկացած փորձ», - PTI-ն մեջբերում է վարչապետի խոսքերը։
«Հնդկաստանը կկառուցի Սուդարշան Չակրա պաշտպանական համակարգը՝ երկիրը պաշտպանելու համար։ Օգտագործելով առաջադեմ տեխնոլոգիաներ՝ մենք կապահովենք մեր ռազմավարական կառույցների, քաղաքների և սրբավայրերի անվտանգությունը։ Սա կլինի հզոր զսպող գործոն մեզ վնասելու ցանկացած թշնամական փորձի համար», - ասել է վարչապետը։
Ինչպես նշել է Մոդին, սա կլինի ՀՕՊ համակարգ, որը նախատեսված է սահմաններից հարձակումները հետ մղելու համար: Այն նախատեսվում է գործարկել մինչև 2035 թվականը: Վարչապետի խոսքով՝ «մինչև 2035 թվականը բոլոր հասարակական վայրերը կընդգրկվեն ամբողջ երկրում գործող ընդլայնված անվտանգության համակարգով»:
