Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը համատեղ մամուլի ասուլիս կանցկացնեն օգոստոսի 15-ին Ալյասկայում կայանալիք բանակցություններից հետո, հայտարարել է Ռուսաստանի նախագահի օգնական Յուրի Ուշակովը։
«Բանակցությունների ավարտից հետո Վլադիմիր Պուտինը և Դոնալդ Թրամփը կանցկացնեն համատեղ մամուլի ասուլիս, որի ժամանակ կամփոփեն բանակցությունների արդյունքները», - լրագրողներին ասել է Ուշակովը։
Կրեմլն ու Սպիտակ տունը նախկինում հայտարարել էին, որ Պուտինը և Թրամփը կհանդիպեն Ալյասկայում օգոստոսի 15-ին։
Ինչպես ավելի վաղ նշել էր Ուշակովը, ԱՄՆ նախագահի հատուկ ներկայացուցիչ Սթիվ Ուիթքոֆը Ռուսաստանի Դաշնություն կատարած այցի ժամանակ խոսել էր Պուտինի, Թրամփի և Զելենսկու միջև Կրեմլում եռակողմ հանդիպման հնարավորության մասին, սակայն ռուսական կողմը այն թողել էր առանց մեկնաբանության՝ առաջարկելով կենտրոնանալ երկկողմ գագաթնաժողովի նախապատրաստման վրա։
