Եվրոպան պետք է վերականգնի իր գործընկերությունը Ռուսաստանի հետ, քանի որ առանց դրա չի կարող ապահովվել իր սեփական անվտանգությունը, հայտարարել է Հունգարիայի արտաքին գործերի նախարար Պետեր Սիյարտոն «Մարտիկների ժամ» YouTube հաղորդման ժամանակ։
«Մենք կարող ենք մտածել այն մասին, ինչ ուզում ենք պատերազմի, Ռուսաստանի հետ հարաբերությունների, անձամբ Ռուսաստանի նախագահի մասին, բայց կարող ենք վստահ լինել մեկ բանում. Եվրոպայի ապագա անվտանգ գործունեության համար անհրաժեշտ է գործընկերություն Ռուսաստանի հետ»։
Եվ դա անհրաժեշտ է ոչ թե քաղաքական, այլ աշխարհագրական պատճառներով։ Ռուսաստանը այստեղ է՝ Եվրոպայում, այն աշխարհի ամենամեծ երկիրն է, միջուկային գերտերություն», - նշել է արտաքին գործերի նախարարության ղեկավարը։
Հունգարիայի կառավարությունը բազմիցս ընդգծել է Մոսկվայի հետ երկխոսությունը պահպանելու անհրաժեշտությունը և հաստատել է նրա հետ քաղաքական և տնտեսական հարաբերություններ զարգացնելու իր մտադրությունը։
