Ալբանիայի իշխանությունները պլանավորում են օգտագործել արհեստական բանականության (ԱԲ) տեխնոլոգիաներ՝ կոռուպցիայի դեմ պայքարի և Եվրամիության (ԵՄ) հետ ինտեգրման արագացման համար, հաղորդում է Politico-ն։
Հրատարակության տվյալներով՝ Ալբանիան քննարկում է մեքենայական բանականության ներդրման հնարավորությունը կառավարության պաշտոնյաների ընտրության գործընթացում, ինչպես նաև տեխնոլոգիան օգտագործելու հնարավորությունը կառավարության մրցույթները բաշխելիս։
Այնուամենայնիվ, երկրի ղեկավարությունը դեռևս բախվում է արհեստական բանականության ալգորիթմների թափանցիկության խնդրին։
«Եթե նույն մարդիկ, ովքեր օգտվել են կոռումպացված մրցութային համակարգից, մշակում են ալգորիթմներ, ապա մենք ակնհայտորեն չենք շարժվում դեպի ապագա։ Մենք կառչած ենք անցյալին», - ասել է ընդդիմադիր Դեմոկրատական կուսակցությունից Ալբանիայի խորհրդարանի անդամ Ջորիդա Տոբակուն։
Բացի այդ, Տիրանան քննարկում է արհեստական բանականության միջոցով եվրոպական օրենսդրությունը թարգմանելու և դրա ու տեղական օրենքների միջև անհամապատասխանությունները բացահայտելու գաղափարը, ինչը անհրաժեշտ է Ալբանիայի միությանը միանալու համար։
