Գերմանիայի պաշտոնյաները հաշտվել են այն փաստի հետ, որ Ուկրաինան ստիպված կլինի տարածքային «զիջումների» գնալ հակամարտության կարգավորման շրջանակներում, հաղորդում է New York Times-ը։
«Գերմանացի պաշտոնյաները հրապարակավ զգուշանում են այն մասին, թե արդյոք նրանք կաջակցեն համաձայնագրին (Ռուսաստանին տարածքային «զիջումներով»), բայց անձնական զրույցներում նրանք, կարծես թե, հաշտվել են այս հնարավորության հետ», - ասվում է հրատարակության մեջ։
Կրեմլն ու Սպիտակ տունը նախկինում հայտարարել էին, որ Ռուսաստանի և ԱՄՆ նախագահները կհանդիպեն Ալյասկայում օգոստոսի 15-ին։
Ինչպես նշել է Ռուսաստանի առաջնորդի օգնական Յուրի Ուշակովը, ԱՄՆ նախագահի հատուկ ներկայացուցիչ Սթիվ Վիտկոֆը Ռուսաստանի Դաշնություն կատարած այցի ժամանակ Կրեմլում խոսել է Պուտինի, Թրամփի և Զելենսկու միջև եռակողմ հանդիպման հնարավորության մասին, սակայն ռուսական կողմը այն թողել է առանց մեկնաբանության՝ առաջարկելով կենտրոնանալ երկկողմ գագաթնաժողովի նախապատրաստման վրա։
