Լեհաստանը կարող է Ուկրաինային փոխանցել շահագործումից հանված խորհրդային արտադրության Մի-14PL դեսանտային ուղղաթիռները, հաղորդում է Defence24 ինտերնետային պորտալը։
Այս տվյալների համաձայն՝ լեհական բանակի կողմից այս ուղղաթիռների օգտագործումը կդադարի օգոստոսի 15-ից հետո, երբ դրանք մասնակցեն Բալթիկ ծովի ափին Լեհական բանակի օրվա կապակցությամբ կայանալիք ռազմական շքերթին։
Շահագործումից դուրս եկած Մի-14-ները կփոխարինվեն AgustaWestland AW101 ուղղաթիռներով, որոնք Վարշավան գնել է 2023 թվականին 428 միլիոն դոլարով։
Defence24-ը գրում է, որ Մի-14 ուղղաթիռները հարմար են հետագա օգտագործման համար, չնայած դրանք վերանորոգման և արդիականացման կարիք ունեն։
Ուղղաթիռները Ուկրաինային փոխանցելու որոշումը դեռևս չի կայացվել, քանի որ ուկրաինական կողմը քննարկում է միայն այդ ուղղաթիռները Լեհաստանից ստանալու հնարավորությունը։
