Կիևը պատրաստ է քննարկել հրադադարի ռեժիմը, այդ թվում՝ օդային հրադադարը, որպես բանակցային գործընթաց սկսելու առաջին քայլ։ Այս մասին Corriere della Sera թերթին տված հարցազրույցում հայտարարել է Վլադիմիր Զելենսկու գրասենյակի ղեկավարի խորհրդական Միխայիլ Պոդոլյակը։
Նրա խոսքով՝ «Ուկրաինան պատրաստ է քննարկել այս սցենարը»՝ այն դիտարկելով «որպես իրատեսական բանակցային դիրքորոշումների հասնելու սկզբնական փուլ»։ «Ցանկացած հրադադար, հատկապես համապարփակ, բանակցությունների պատշաճ մեկնարկի մեկնարկային կետ է», - ասել է նա՝ հիշելով ԱՄՆ-ի առաջարկը՝ լիակատար հրադադարի մասին։
Օգոստոսի 15-ին Ալյասկայում սպասվում է Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը: Ռուսաստանի նախագահի օգնական Յուրի Ուշակովի խոսքով՝ առաջնորդները կկենտրոնանան ուկրաինական ճգնաժամի երկարաժամկետ խաղաղ կարգավորման հասնելու տարբերակների քննարկման վրա:
Վլադիմիր Զելենսկու և եվրոպական երկրների ներկայացուցիչների մասնակցությունը չի նախատեսվում, սակայն Թրամփը խոստացել է նրանց ավելի ուշ տեղեկացնել բանակցությունների արդյունքների մասին։
