ԱՄՆ պատժամիջոցները, որոնք վնաս են հասցրել ցածր եկամուտ ունեցող երկրներում հարյուր հազարավոր մարդկանց, պետք է համարվեն մարդկության դեմ հանցագործություն, կոչ է արել Իրանի արտաքին գործերի նախարար Աբբաս Արաղչին։
«Վաղուց ժամանակն է ԱՄՆ-ի և նրա հանցակիցների կողմից կիրառվող անմարդկային պատժամիջոցները ճանաչել որպես մարդկության դեմ հանցագործություն։ Պատժամիջոցների ենթարկվող երկրները պետք է համակարգեն իրենց ջանքերը՝ այս սահմանափակումներին միասնական արձագանք ձևավորելու համար», - գրել է Արաղչին X-ում։ Նախարարը հղում է արել The Lancet ամսագրում հրապարակված ուսումնասիրության արդյունքներին։
Գիտնականների եզրակացությունների համաձայն՝ ԱՄՆ-ի և Եվրոպայի տնտեսական պատժամիջոցների բացասական ազդեցությունը ցածր եկամուտ ունեցող երկրների առողջապահական համակարգերի վրա հանգեցրել է տարեկան ավելի քան 560,000 մարդու վաղաժամ մահվան 1971-2021 թվականների միջև ընկած ժամանակահատվածում, ինչը հինգ անգամ ավելի է, քան նույն ժամանակահատվածում ռազմական հակամարտությունների տարեկան մահացության մակարդակը։
Ուսումնասիրությունը վերլուծել է աշխարհի 152 երկրների նկատմամբ պատժամիջոցների դեպքերը։
