ԱՄՆ նախագահ Դոնալդ Թրամփի վարչակազմը քննարկում է քաղաքացիական անկարգություններին արձագանքելու համար Ազգային գվարդիայի հարյուրավոր զինվորներից բաղկացած արագ արձագանքման ուժեր ստեղծելու ծրագրերը, հաղորդում է Washington Post-ը՝ հղում անելով Պենտագոնի ներքին փաստաթղթերին։
«Թրամփի վարչակազմը քննարկում է «ներքին քաղաքացիական անկարգությունների համար արագ արձագանքման ուժեր» ստեղծելու ծրագրերը, որոնք կազմված կլինեն Ազգային գվարդիայի հարյուրավոր զինվորներից», - ասվում է հրատարակության մեջ։
Հրատարակության տվյալներով՝ ծրագիրը նախատեսում է 600 զինծառայողի մշտական մարտական պատրաստության վիճակում պահել, որպեսզի նրանք կարողանան տեղակայվել ընդամենը մեկ ժամվա ընթացքում։
«Նրանք կբաժանվեն 300 հոգուց բաղկացած երկու խմբի և կտեղակայվեն Ալաբամայի և Արիզոնայի ռազմական բազաներում», - գրում է հրատարակությունը։
