Թաթարստանը ենթարկվել է անօդաչու թռչող սարքերի (ԱԹՍ) հարձակման։ Այս մասին հայտնել է հանրապետության ղեկավարի մամուլի ծառայությունը, հաղորդում է «ՌԻԱ Նովոստի»-ն։
«Այսօր Թաթարստանի Հանրապետությունը ենթարկվել է թշնամու անօդաչու թռչող սարքերի զանգվածային հարձակման: Բոլոր անօդաչու թռչող սարքերը ուղղված էին արդյունաբերական օբյեկտների դեմ», - ասվում է հայտարարության մեջ:
Միջադեպի հետևանքով ոչ ոք չի տուժել։ Բացի այդ, արտադրական գործընթացները չեն խաթարվել, բոլոր ձեռնարկությունները աշխատում են բնականոն ռեժիմով։
Առավոտյան անօդաչու թռչող սարքերի կիրառման սպառնալիք է հայտարարվել Կազանում, Նաբերեժնիե Չելնիում, Նիժնեկամսկում և Ելաբուգայում: Կազանի օդանավակայանում նաև ժամանակավոր թռիչքների սահմանափակումներ են մտցվել:
