Նիդեռլանդները ողջունում է ԱՄՆ նախագահ Դոնալդ Թրամփի ջանքերը՝ Ուկրաինայում հակամարտությունը կարգավորելու ուղղությամբ, հայտարարել է վարչապետ Դիկ Շոֆը Ռուսաստան-ԱՄՆ առաջիկա գագաթնաժողովի համատեքստում։
Կրեմլն ու Սպիտակ տունը նախկինում հայտարարել էին, որ Ռուսաստանի նախագահ Վլադիմիր Պուտինը և Թրամփը կհանդիպեն Ալյասկայում օգոստոսի 15-ին։
«Արդար և երկարատև խաղաղությունը մնում է մեր նպատակը։ Մենք ողջունում ենք նախագահ Թրամփի նախաձեռնությունն այս ուղղությամբ», - երեքշաբթի օրը գրել է Շոֆը X սոցիալական ցանցում։
Ինչպես պարզաբանել է Ռուսաստանի առաջնորդի օգնական Յուրի Ուշակովը, ԱՄՆ նախագահի հատուկ ներկայացուցիչ Սթիվեն Վիտկոֆը Ռուսաստան կատարած այցի ժամանակ Կրեմլում խոսել է Պուտինի, Թրամփի և Վլադիմիր Զելենսկու միջև եռակողմ հանդիպման հնարավորության մասին, սակայն ռուսական կողմը այն թողել է առանց մեկնաբանության՝ առաջարկելով կենտրոնանալ երկկողմ գագաթնաժողովի նախապատրաստման վրա։
