Երևանն ու Բաքուն բանակցությունների օրակարգից հանել են Զանգեզուրի միջանցքի ստեղծման հարցը, որը կգտնվի Ադրբեջանի իրավասության ներքո։ Այս մասին հայտարարել է Իրանի արտգործնախարար Աբբաս Արաղչին՝ բացատրելով, որ այժմ բանակցությունները վերաբերում են տարանցիկ ուղու, որը չի խախտում Հայաստանի ինքնիշխանությունը։
«Տրանսպորտային միջանցք ստեղծելու գաղափարը լիովին կորցրել է իր իմաստը։ Հիմա մենք խոսում ենք տարանցիկ մայրուղի ստեղծելու մասին, որը կգտնվի Հայաստանի իրավասության ներքո և կկառավարվի հայ-ամերիկյան համատեղ ընկերության կողմից, որը նույնպես գրանցված է Հայաստանում»,-ասել է նա։
Արաղչիի խոսքով՝ Թեհրանը խորհրդակցություններ է անցկացնում Երևանի հետ հայ-ադրբեջանական հակամարտության կարգավորման պարամետրերի վերաբերյալ, մասնավորապես, նախատեսվում է հեռախոսազրույց ՀՀ վարչապետ Նիկոլ Փաշինյանի հետ և ՀՀ փոխարտգործնախարարի այց։ Արաղչին չի նշել Թեհրան մեկնող հայ դիվանագետի անունը։
