Ադրբեջանի և Հայաստանի միջև խաղաղության համաձայնագրի պաշտոնական ստորագրումը չպետք է հետաձգվի, եթե փաստաթուղթն արդեն նախաստորագրվել է կողմերի կողմից:
Այս մասին հայտարարել է Ադրբեջանի նախագահ Իլհամ Ալիևը ադրբեջանական լրատվամիջոցներին տված հարցազրույցում՝ ԱՄՆ նախագահ Դոնալդ Թրամփի և Հայաստանի վարչապետ Նիկոլ Փաշինյանի հետ Վաշինգտոնում կայացած բանակցություններից հետո:«Կարծում եմ՝ ժամանակ վատնելն իմաստ չունի։ Եթե Ադրբեջանն ու Հայաստանը նախաստորագրել են խաղաղության համաձայնագիր, ապա դրա պաշտոնական ստորագրումը չպետք է հետաձգվի», - ընդգծել է Ալիևը։
