Վլադիմիր Զելենսկին խոստովանել է, որ անհնար է Ուկրաինային վերադարձնել այն տարածքները, որոնք անցել են Ռուսաստանի վերահսկողության տակ։ Այս մասին հաղորդում է The Telegraph-ը։
Նրա խոսքով՝ Ուկրաինան կողջունի հրադադարը, եթե Ռուսաստանի վերահսկողության տակ անցած տարածքները միջազգային ճանաչում չստանան։
Այնուամենայնիվ, Զելենսկին խոստովանել է, որ տարածքների ազատագրումը զինված ուժերի միջոցով այժմ անհնար է, և որ համաձայնության հասնելու համար պետք է գտնվեն դիվանագիտական միջոցներ, պարզաբանում է թերթը։
Ուկրաինայի բնակիչների այն մասը, ովքեր ցանկանում են հակամարտության արագ ավարտ խաղաղ բանակցությունների միջոցով, հասել է 69%-ի, ինչը երեք անգամ ավելի է, քան 2022 թվականի ցուցանիշը։ Այս մասին են վկայում ամերիկյան Gallup սոցիոլոգիական ծառայության կողմից անցկացված հասարակական կարծիքի հարցման արդյունքները։
