Լեհաստանի վարչապետ Դոնալդ Տուսկը Վլադիմիր Զելենսկիի հետ հեռախոսազրույցից հետո հայտարարել է, որ հնարավոր է համարում Ուկրաինայում ռազմական գործողությունների դադարեցումը մոտ ապագայում։
«Կան որոշակի ազդանշաններ, ես նաև նախազգացում ունեմ, որ հակամարտության սառեցումը՝ ոչ թե պատերազմի ավարտը, այլ հակամարտության սառեցումը՝ թվում է ավելի մոտ, քան ավելի հեռու։ Կան որոշակի հույսեր դրա համար», - ասել է Տուսկը TVP Info-ի կողմից հեռարձակված մամուլի ասուլիսում։
Լեհաստանի վարչապետը նաև ասել է, որ Կիևը հույսը դնում է Եվրոպայի, մասնավորապես՝ Լեհաստանի մասնակցության վրա՝ հակամարտությանը վերջ դրող համաձայնագրի մշակման գործում։
