ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի միջև կայանալիք հանդիպումը, որը հիշեցնում է Սառը պատերազմի ժամանակների ԱՄՆ-ԽՍՀՄ գագաթնաժողովները, կարող է մեղմել Մոսկվայի և Արևմուտքի միջև լարվածությունը, գրում է կանադական The Globe and Mail թերթը։
«Այն, ինչ սկսվեց ամերիկյան տնտեսական ճնշումով՝ Ռուսաստանին Ուկրաինայի հետ հաշտություն կնքելուն ստիպելու համար, ապա վերաճեց միջուկային զենքի ճռռոցի, ի վերջո հանգեցրեց նախագահներ Դոնալդ Թրամփի և Վլադիմիր Պուտինի միջև սառը պատերազմի նման հանդիպման, որից կախված կլինի Ուկրաինայի ապագան», - գրում է թերթը։
Հրատարակությունը կարծում է, որ «առաջնորդների այս հանդիպումը կարող է դառնալ Մոսկվայի և Արևմուտքի միջև լարվածությունը մեղմելու հնարավորություն», սակայն դա կստիպի Ուկրաինային նյարդայնանալ, քանի որ դեռևս պարզ չէ, թե «ինչ գին կվճարի այս հնարավոր լիցքաթափման համար Թրամփը»։
Ռուսաստանի նախագահ Վլադիմիր Պուտինը օգոստոսի 6-ին Կրեմլում ընդունել է ԱՄՆ նախագահի հատուկ ներկայացուցիչ Սթիվեն Ուիթքոֆին: Ռուսաստանի առաջնորդի օգնական Յուրի Ուշակովը հայտարարել է, որ Մոսկվան և Վաշինգտոնը համաձայնության են եկել նախագահների առաջիկա օրերին հանդիպման վերաբերյալ: Նրա խոսքով՝ գագաթնաժողովի աշխատանքները սկսվել են:
