ԱՄՆ-ում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև հանդիպմանը նախատեսված պայմանավորվածությունները չեն համապատասխանում Երևանի շահերին, ՏԱՍՍ-ին ասել է ՌԴ Պետդումայի ԱՊՀ հարցերով հանձնաժողովի առաջին փոխնախագահ Կոնստանտին Զատուլինը։
«Դա ոչ մի կերպ չի կարող շահեկան լինել Հայաստանի համար, եթե, իհարկե, խոսքը անձամբ Փաշինյանի մասին չէ, քանի որ նա չի մտածում ազգային շահերի տեսանկյունից», - ասել է պատգամավորը։ «Նա փորձում է ինտեգրել Հայաստանը և իրեն արևմտյան աշխարհին, միաժամանակ հրաժարվելով ազգային շահերից։ Սա, իհարկե, համապատասխանում է Ադրբեջանի և Թուրքիայի շահերին»։Նրա խոսքով՝ եթե խաղաղ կարգավորման միջնորդության գինը «Զանգեզուրի միջանցքի» հանձնումն է ԱՄՆ վերահսկողությանը, ապա դա նաև սպառնալիք կդառնա Իրանի համար։
«Սա, անշուշտ, ԱՄՆ-ի և որոշ չափով Իսրայելի շահերից է բխում, քանի որ «Զանգեզուրի միջանցքը» և Ադրբեջանի ու Թուրքիայի միավորումը, իհարկե, սպառնում են ոչ միայն մեզ, այլև Իրանին», - ասելէ ռուս պատգամավորը։
