Պաղեստինյան արմատական ՀԱՄԱՍ շարժումը Իսրայելի վարչապետ Բենիամին Նեթանյահուի ծրագրերի համաձայն ձևավորված ցանկացած ուժ կհամարի օկուպացիոն, Al Jazeera հեռուստաալիքի եթերում հայտարարել է շարժման քաղաքական բյուրոյի անդամ Ուսամա Համդանը։
«Մենք Նեթանյահուի հայտարարություններին համապատասխան ձևավորված ցանկացած ուժ կդիտարկենք որպես օկուպացիոն ուժեր, որոնք կապված են Իսրայելի հետ», -ասել է նա։ Համդանը շեշտել է, որ «դիմադրությունը օկուպացիան հաղթելու միակ միջոցն է» և վստահություն հայտնել, որ «դա կավարտվի ինքնիշխան պաղեստինյան պետության ստեղծմամբ»։
Այս շաբաթվա սկզբին Ynet-ը, հղում անելով Նեթանյահուի շրջապատի բարձրաստիճան պաշտոնյաներին, հաղորդել էր, որ քաղաքական ղեկավարությունը մոտ է պաղեստինյան անկլավի «լիակատար օկուպացիայի» վերաբերյալ որոշում կայացնելուն։
Հրատարակության աղբյուրներից մեկի փոխանցմամբ՝ «զառը նետված է». իսրայելական կողմը կարծում է, որ պատանդների ազատ արձակման վերաբերյալ բանակցությունները փակուղի են մտել, և ռազմական լուծմանն այլընտրանք չկա։
