Հնդկաստանը երբեք չի զիջի իր գյուղացիների շահերը, նույնիսկ եթե դա նշանակի տնտեսական հետևանքներ, հայտարարել է վարչապետ Նարենդրա Մոդին։
Նրա մեկնաբանությունները հնչել են այն բանից հետո, երբ ԱՄՆ-ը հայտարարեց հնդկական ապրանքների, այդ թվում՝ գյուղատնտեսական արտադրանքի վրա մաքսատուրքերի հետագա բարձրացման մասին՝ մինչև 50%:
«Ֆերմերների շահերը մեր գերակա խնդիրն են։ Հնդկաստանը երբեք չի զիջի իր ֆերմերների, հովիվների և ձկնորսների շահերը։ Եվ ես գիտեմ, որ ես անձամբ ստիպված կլինեմ մեծ գին վճարել դրա համար, բայց ես պատրաստ եմ։ Հնդկաստանը պատրաստ է դրան՝ երկրի ֆերմերների, ձկնորսների և հովիվների համար», - ասել է Հնդկաստանի վարչապետը։
Հուլիսի վերջին ԱՄՆ նախագահ Դոնալդ Թրամփը հայտարարեց Հնդկաստանից ներմուծվող ապրանքների վրա 25 տոկոս մաքսատուրքի սահմանման մասին՝ հղում անելով Նյու Դելիից բարձր մաքսատուրքերին, առևտրային արգելքներին և «Ռուսաստանի հետ համագործակցությանը»։
