Բրազիլիայի նախագահ Լուիս Ինասիո Լուլա դա Սիլվան չի զանգահարի ԱՄՆ նախագահ Դոնալդ Թրամփին՝ տնտեսական տարաձայնությունները լուծելու և բրազիլական ապրանքների վրա Սպիտակ տան կողմից նախկինում սահմանված մաքսատուրքերի վերանայման խնդրանքով։
«Ես չեմ զանգահարի Թրամփին, քանի որ նա չի ուզում խոսել», – ասել է պետության ղեկավարը կառավարության YouTube ալիքով հեռարձակված ելույթի ժամանակ։Միաժամանակ, նախագահը խոստովանել է, որ կզանգահարի Թրամփին՝ նրան հրավիրելու մասնակցելու Կլիմայի փոփոխության մասին ՄԱԿ-ի շրջանակային կոնվենցիայի (COP-30) կողմերի 30-րդ համաժողովին, որը տեղի կունենա տարեվերջին Բրազիլիայի Բելեմ քաղաքում:«Ես քաղաքավարի կլինեմ և կզանգահարեմ նրան», – նշել է Բրազիլիայի առաջնորդը:
Թրամփը նախկինում հայտարարել էր, որ Լուլա դա Սիլվան կարող է զանգահարել իրեն՝ տնտեսական տարաձայնությունները լուծելու համար։
Սպիտակ տունն արդեն հայտարարել է բրազիլական մի շարք ապրանքների վրա մինչև 50% մաքսատուրքերի սահմանման մասին։
