Վաշինգտոնի վարչակազմը պլանավորում է ընդլայնել պաղեստինյան Գազայի հատվածի բնակիչներին տրամադրվող մարդասիրական օգնությունը, հաղորդում է ամերիկյան Axios պորտալը։
Դրա աղբյուրների փոխանցմամբ՝ ԱՄՆ նախագահ Դոնալդ Թրամփը և ԱՄՆ հատուկ դեսպանորդ Սթիվեն Ուիթքոֆը Սպիտակ տանը քննարկել են «Գազային օգնություն ցուցաբերելու գործում ԱՄՆ-ի դերի զգալիորեն ընդլայնման ծրագրերը»։
Ամերիկացի պաշտոնյաների շրջանում աղբյուրներից մեկը մանրամասնել է, որ Վաշինգտոնի վարչակազմը որոշել է «իր վրա վերցնել» մարդասիրական օգնության տրամադրման վերահսկողության հետ կապված հարցերը, «քանի որ Իսրայելը պատշաճ կերպով չի հաղթահարում այս խնդիրը»։
2025 թվականի մարտի 2-ից ի վեր միջազգային մարդասիրական օգնություն չի մտել այդ ոլորտ, և հրեական պետության իշխանությունների որոշմամբ բոլոր անցակետերը մնում են փակ։
