Թուրքիայի նախագահ Ռեջեփ Թայիփ Էրդողանի նախագահությամբ կայացած Բարձրագույն ռազմական խորհրդի նիստում հայտարարվել է, որ Գլխավոր շտաբի պետ, գեներալ-գնդապետ Մեթին Գուրաքը ազատվել է պաշտոնից։ Գլխավոր շտաբի պետ է նշանակվել ցամաքային զորքերի հրամանատար, գեներալ-գնդապետ Սելջուկ Բայրաքթարօղլուն։
Ցամաքային զորքերի հրամանատար է նշանակվել 1-ին բանակի հրամանատար, գեներալ-լեյտենանտ Մեթին Թոքելը: Ռազմածովային ուժերի հրամանատար, ծովակալ Էրջումենթ Թաթլիօղլուի և ռազմաօդային ուժերի հրամանատար, բանակի գեներալ Զիյա Ջեմալ Քադիօղլուի պաշտոնավարման ժամկետը երկարաձգվել է մեկ տարով:
Այս որոշումների համաձայն՝ Թուրքիայի զինված ուժերի գեներալների և ծովակալների թիվը, որը ներկայումս կազմում է 316, մինչև 2025 թվականի օգոստոսի 30-ը կհասնի 332-ի։
