Ադրբեջանական սփյուռքի ղեկավար Շահին Շիխլինսկին հեռակա կարգով կալանավորվել է Մոսկվայի Բասմանյան դատարանի կողմից։ Սա տեղի է ունեցել նրա նկատմամբ հետախուզում հայտարարվելուց հետո։
Որոշ ժամանակ Շիխլինսկին գտնվել է Մոսկվայում Ադրբեջանի դեսպանատան տարածքում, ուր մուտքը ռուսաստանցի ուժայինների համար արգելված է։ Դիվանագիտական բանակցություններից հետո նա դուրս է եկել, հանձնվել մարմիններին և տեղափոխվել Եկատերինբուրգ, որտեղ մասնակցել է քննչական գործողություններին և տեղավորվել մեկուսարանում։
Նախնական տեղեկությունների համաձայն՝ Ուրալի սփյուռքի ղեկավարը մեղադրվում է Ֆեխրուզ Շիրինովի սպանության փորձին մասնակցելու (ՌԴ Քրեական օրենսգրքի 30-րդ հոդված, 105-րդ հոդված), ինչպես նաև պետական պաշտոնյայի նկատմամբ բռնություն գործադրելու (ՌԴ Քրեական օրենսգրքի 318-րդ հոդված) մեջ։
Ֆեհրուզ Շիրինովի դեմ մահափորձը տեղի է ունեցել 2010 թվականին՝ Յունուս Փաշաևի սպանությունից մի քանի տարի անց։ Սակայն Ֆեհրուզը բախտավոր էր. մարդասպանի զենքը սխալ էր կրակել։ Հետաքննության տվյալներով՝ հանցագործը մեկ այլ ադրբեջանցի էր՝ Էլման Սուլեյմանովը (ով արդեն մահացել է բնական մահով)։ Մահից առաջ նա, իբր, հասցրել էր ասել սպանության պատվիրատուի անունը։
