Ճապոնիայի վարչապետ Շիգերու Իշիբան կարծում է, որ Ճապոնիայի և Միացյալ Նահանգների միջև առևտրային համաձայնագիրը օգտակար է երկու երկրների համար, ասել է նա խորհրդարանի ստորին պալատի բյուջետային հանձնաժողովում քննարկման ժամանակ։
«Մենք կստեղծենք աշխատատեղեր Միացյալ Նահանգներում՝ միաժամանակ պահպանելով աշխատատեղերը Ճապոնիայում և աշխարհին մատակարարելով լավ ապրանքներ։ Սա փոխշահավետ հարաբերություն է», - ասել է վարչապետը։
Հուլիսի 22-ին ԱՄՆ նախագահ Դոնալդ Թրամփը հայտարարեց, որ Տոկիոյի հետ կնքել է «մեծածավալ գործարք, գուցե ամենամեծը պատմության մեջ»։ Նրա խոսքով՝ Ճապոնիան ԱՄՆ-ում կներդնի 550 միլիարդ դոլար, իսկ այս ասիական երկրից ապրանքների վրա մաքսատուրքերը կկազմեն 15%։
Սպիտակ տան ղեկավարը նշել է, որ Ճապոնիայի իշխանությունները «կբացեն իրենց երկիրը առևտրի համար, այդ թվում՝ մարդատար և բեռնատար մեքենաների, բրնձի, որոշակի այլ գյուղատնտեսական ապրանքների և այլնի համար»։
