Թուրքիայի իրավապահ մարմինները գործողություններ են իրականացրել երկրի 14 նահանգներում՝ ԴԱԻՇ-ի անդամների դեմ, ձերբակալվել է 26 կասկածյալ, հայտնել է ներքին գործերի նախարար Ալի Երլիկայան։
«Մեր ժանդարմերիայի կողմից 14 նահանգներում ԴԱԻՇ ահաբեկչական կազմակերպության դեմ կազմակերպված գործողությունների ընթացքում ձերբակալվել է 26 կասկածյալ։
Ադանայում, Աքսարայում, Անկարայում, Բուրդուրում, Ջանկըրըում, Դենիզլիում, Էլազիգում, Ստամբուլում, Քահրամանմարաշում, Կայսերիում, Քըրշեհիրում, Մերսինում, Շանլըուրֆայում և Վանում իրականացված գործողություններում ձերբակալված կասկածյալները ճանաչվել են որպես ԴԱԻՇ ահաբեկչական կազմակերպության անդամներ, իրենց սոցիալական ցանցերի հաշիվների միջոցով տարածել են ահաբեկչական կազմակերպության օգտին քարոզչություն և ֆինանսավորել ահաբեկչական կազմակերպության հետ կապված այսպես կոչված օգնության կազմակերպություններին», - ասել է նա սոցիալական ցանցերում։
Գործողությունների արդյունքում առգրավվել են բազմաթիվ կազմակերպչական փաստաթղթեր և թվային նյութեր։
