Պեկինում տեղացած ուժեղ անձրևների հետևանքով զոհերի թիվը հասել է 44-ի, ինը մարդ դեռևս անհետ կորած է համարվում, հաղորդում է «Սինհուա» լրատվական գործակալությունը՝ հղում անելով տեղական իշխանություններին։
Ավելի վաղ «Սինհուա»-ն, հղում անելով տեղական իշխանություններին, հայտնել էր, որ Պեկինում տեղացած ուժեղ անձրևների հետևանքով 30 մարդ է զոհվել։
«Վերջերս Պեկինում տեղի ունեցած ուժեղ անձրևների հետևանքով զոհերի թիվը հասել է 44-ի, ևս ինը մարդ դեռևս անհետ կորած է համարվում», - հաղորդել է գործակալությունը՝ հղում անելով քաղաքային իշխանություններին։
Ավելի վաղ Չինաստանի նախագահ Սի Ծինփինը կոչ էր արել իշխանություններին լուրջ աշխատանքներ իրականացնել ջրհեղեղները կանխելու և բնական աղետների հետևանքները վերացնելու համար։
