Գերմանիայի կառավարությունը կարճաժամկետ հեռանկարում չի պլանավորում ճանաչել Պաղեստին պետությունը, լրագրողներին հայտարարել է Գերմանիայի կառավարության խոսնակ Ստեֆան Կոռնելիուսը։
Նշվում է, որ Գերմանիայի կառավարությունը շարունակում է համոզված լինել, որ միայն երկու պետություն ստեղծելու համաձայնեցված լուծումը կարող է ապահովել իսրայելցիների և պաղեստինցիների համար կայուն խաղաղություն և անվտանգություն։
«Պաղեստինյան պետության ճանաչումը շարունակում է դիտվել որպես երկու պետությունների լուծման իրականացման վերջին քայլերից մեկը»։
«Իսրայելի անվտանգությունը գերակա նշանակություն ունի դաշնային կառավարության համար։ Այս առումով, այն (կառավարությունը - խմբ.) չի պլանավորում կարճաժամկետ հեռանկարում ճանաչել Պաղեստինի պետությունը», - ասել է Կոռնելիուսը ուրբաթ օրը հրապարակված հայտարարության մեջ։
Ավելի վաղ Ավստրիայում Պաղեստինի դեսպան և Վիեննայում ՄԱԿ-ում մշտական դիտորդ Սալահ Աբդել Շաֆին «ՌԻԱ Նովոստի»-ին տված հարցազրույցում հայտարարել էր, որ ակնկալում է, որ մի շարք այլ երկրներ մինչև այս ամսվա վերջ կճանաչեն իր պետությունը։
