Սինգապուրն ունի ներուժ դառնալու միջուկային էներգիայի միջոցով կայուն և մաքուր էներգիայի անցման մոդել, հայտարարել է Ատոմային էներգիայի միջազգային գործակալության գլխավոր տնօրեն Ռաֆայել Գրոսսին։
ԱԷՄԳ-ի ղեկավարը ներկայումս գտնվում է Սինգապուրում: Նա հանրային դասախոսություն է կարդացել, որը կազմակերպվել էր Սինգապուրի ազգային համալսարանի Սինգապուրի միջուկային և անվտանգության հետազոտությունների ինստիտուտի կողմից:
«ԱՍԵԱՆ-ի երկրների մեծ մասն այժմ ուսումնասիրում է միջուկային էներգիային անցնելու հնարավորությունը։ Հաշվի առնելով սահմանափակ հողատարածքները և աճող էներգետիկ կարիքները՝ Սինգապուրը կարող է դառնալ կայուն ցածր ածխածնային լուծումների, ինչպիսին է միջուկային էներգիան, առավելությունների առաջատար օրինակ», - գրել է Գրոսսին իր X սոցիալական ցանցի էջում։
Նրա խոսքով՝ Հարավարևելյան Ասիայում միջուկային էներգիայի նկատմամբ հետաքրքրությունը իրական է և մեծ հույսի հիմք է տալիս։
