Կամբոջայում թաիլանդական օդային հարվածի հետևանքով զոհվել է տաճարի վանահայրը, ևս հինգը վիրավորվել են, հաղորդում է Khmer Times թերթը՝ հղում անելով տեղական իշխանություններին։
«Օդդար Մինչեյ նահանգի իշխանությունները հայտնում են, որ կամբոջացի կրոնական գործիչ է սպանվել թաիլանդցի ագրեսորների կողմից իրականացված օդային հարվածների հետևանքով», – գրում է հրատարակությունը։Թերթի տվյալներով՝ հինգ քաղաքացիական անձ վիրավորվել է Տրապաինգ Պրասատ շրջանի գյուղական վայրում, որը գտնվում է վիճելի տարածքներից մեկից ոչ հեռու։
Թաիլանդի և Կամբոջայի միջև սահմանային հակամարտության սրացումը հուլիսի 24-ի առավոտյան մտավ զինված փուլ։
