Ուելսի հավաքականի ու «Ռեալի» նախկին հարձակվող Գարեթ Բեյլը մտադիր է ձեռք բերել իր ծննդավայրը ներկայացնող «Քարդիֆ Սիթի» ակումբը, գրում է The Sun-ը:
«Քարդիֆ Սիթիի» սեփականատեր Վենսան Թենը պատրաստ է վաճառել ակումբը, որը մայիսին Չեմպիոնշիփից նահանջեց Առաջին լիգա: Բանակցություններն ընթացքի մեջ են: Բեյլն առաջարկում է 45 միլիոն եվրո, որն ավելի քան 2 անգամ պակաս է, քան այն գումարը, որի դիմաց նա 2013-ին «Տոտենհեմից» տեղափոխվեց «Ռեալ»:
«Քարդիֆ Սիթին» վերջին անգամ Անգլիայի Պրեմիեր լիգայում հանդես է եկել 2018/19 մրցաշրջանում:
