Ֆրանսիայի նախագահ Էմանուել Մակրոնը ցանկանում է, որ Մեծ Բրիտանիայի վարչապետ Քիր Սթարմերը որքան հնարավոր է շուտ ճանաչի Պաղեստինը որպես պետություն, հաղորդում է The Daily Telegraph-ը՝ հղում անելով բրիտանական կառավարության աղբյուրին։
«Ֆրանսիացիները փորձում են մեզ վերադարձնել Պաղեստինի ճանաչման հարցին։ Մենք անզիջում ենք։ Դուք դա անում եք, երբ կարծում եք, որ դրանով կարող եք ինչ-որ բանի հասնել, այլ ոչ թե ասելու համար. «մենք դա արեցինք», - հրատարակությանը ասել է աղբյուրը։
Նշվում է, որ պաղեստինյան հարցը կքննարկվի Մակրոնի և Սթարմերի հանդիպման ժամանակ՝ Ֆրանսիայի առաջնորդի՝ հուլիսի 8-10-ը Մեծ Բրիտանիա կատարելիք եռօրյա այցի ընթացքում: Ինչպես նշել է թերթը, կողմերը դեռևս տարաձայնություններ ունեն Պաղեստինի ճանաչման ժամկետների վերաբերյալ:
Հրատարակության տվյալներով՝ Մակրոնը կողմ է Պաղեստինի պետականության հնարավորինս շուտ ճանաչմանը:
