Թուրքիայի նախագահ Ռեջեփ Թայիփ Էրդողանը խստորեն դատապարտել է Իսրայելի հարձակումը Իրանի վրա՝ նշելով, որ Իսրայելի վարչակազմը փորձում է ամբողջ տարածաշրջանը և աշխարհը ներքաշել աղետի մեջ:
«Այսօր առավոտյան Իսրայելը մեր տարածաշրջանը, մասնավորապես՝ Ղազան, արյան, արցունքների և անկայունության մեջ խեղդելու իր ռազմավարությունը հասցրեց շատ վտանգավոր փուլի։ Իսրայելի հարձակումները մեր հարևան Իրանի վրա հստակ սադրանք են, որը անտեսում է միջազգային իրավունքը։ [Իսրայելի վարչապետ Բենիամին] Նեթանյահուի վարչակազմը փորձում է մեր տարածաշրջանը և ամբողջ աշխարհը ներքաշել աղետի մեջ՝ իր անխոհեմ, ագրեսիվ և անօրինական գործողություններով։ Միջազգային հանրությունը պետք է վերջ դնի իսրայելական ավազակախմբությանը, որն ուղղված է համաշխարհային և տարածաշրջանային կայունությունը խաթարելուն», - գրել է Էրդողանը։
