Ֆրանսիայի նախագահ Էմանուել Մակրոնը պահանջել է անհապաղ վերադարձնել երկիր իսրայելական իշխանությունների կողմից ձերբակալված Madeleine նավի վեց քաղաքացիներին, որոնք ուղևորվում էին Գազայի հատված և ձերբակալվել։ Այս մասին երկուշաբթի օրը հայտնել է Ելիսեյան պալատը։
Իսրայելի կողմից ձերբակալված Ֆրանսիայի քաղաքացիների թվում է նաև Եվրախորհրդարանի պատգամավոր Ռիմա Հասանը։
«Հանրապետության նախագահը պահանջել է, որ մեր վեց ֆրանսիացի քաղաքացիները, որոնց նավը իսրայելական իշխանությունները կանգնեցրել են Գազայի հատվածի ափերի մոտ, հնարավորինս շուտ վերադարձվեն Ֆրանսիա», - պալատի հաղորդագրությունը մեջբերում է BFMTV հեռուստաալիքը։
Ֆրանսիայի արտաքին գործերի նախարար Ժան-Նոել Բարոն ասել է, որ Փարիզը նաև խնդրել է իր քաղաքացիներին հյուպատոսական պաշտպանություն տրամադրել և այցելել նրանց՝ նրանց տուն վերադարձը հեշտացնելու համար։
