ԱՄՆ նախագահ Դոնալդ Թրամփի վարչակազմն ունի Իրանի միջուկային ծրագրի գործունեությանը ուշադիր հետևելու կարողություն, հաղորդում է «Ալ Արաբիա» հեռուստաալիքը՝ հղում անելով ամերիկյան աղբյուրին։
«Թրամփի վարչակազմը կարող է մանրամասնորեն վերահսկել Իրանի միջուկային ծրագիրը», - ասել է աղբյուրը։ Նա նշել է, որ ԱՄՆ ղեկավարությունը հասկանում է, որ Իրանի միջուկային ծրագիրը «զարգանում է հնարավորությունների և գիտելիքների առումով»։
Իրանի և Միացյալ Նահանգների ներկայացուցիչները մայիսի 23-ին Հռոմում անցկացրեցին Իրանի միջուկային ծրագրի վերաբերյալ բանակցությունների հինգերորդ փուլը: Կողմերի միջև միջնորդող Օմանի արտգործնախարար Բադր ալ-Բուսաիդին հայտնեց, որ ձեռք է բերվել «որոշակի, բայց ոչ վերջնական առաջընթաց»:
Հունիսի 1-ին Սպիտակ տան մամուլի քարտուղար Քերոլայն Լիվիտը հայտարարեց, որ ԱՄՆ հատուկ դեսպանորդ Սթիվեն Ուիթկոֆը Իրանի իշխանություններին է ուղարկել Թեհրանի միջուկային ծրագրի վերաբերյալ «մանրամասն և ընդունելի առաջարկ»։
