Թուրքիայի նախագահ Ռեջեփ Թայիփ Էրդողանը Ստամբուլում ընդունել է Պակիստանի վարչապետ Շահբազ Շարիֆին։ Կողմերը քննարկել են երկկողմ հարաբերությունները և անդրադարձել տարածաշրջանային հարցերին։Էրդողանը նշել է, որ կողմերը կշարունակեն քայլեր ձեռնարկել երկկողմ առևտրի ծավալները 5 մլրդ դոլարի հասցնելու ուղությամբ։
Նշվում է, որ Թուրքիան ջանքեր կգործադրի համագոծակցությունը զարգացնելու բոլոր ոլորտներում՝ մասնավորապես ռազմական, էներգետիկայի և տրանսպորտի։
Ընդգծվել է, որ երկու երկրների շահերից է բխում «ահաբեկչության» դեմ պայքար ուսուցումը, հետախուզական տվյալների փոխանակումը և տեխնոլոգիայի ոլորտում աջակցության տրամադրումը։Էրդողանը նաև նշել է, որ Ստամբուլ-Թեհրան-Իսլամաբադ երկաթուղին պետք է արդյունավետ դարձնել։
Անդրադառնալով Պաղեստինին՝ Թուրքիայի նախագահը նշել է, որ գնահատում է Պակիստանի սկզբունքային դիրքորոշումը Պաղեստինի հարցում։
