Ամերիկյան հետախուզությունը հաշվարկել է, որ Իսրայելը կարող է պատրաստվել Իրանի վրա հարձակվել ընդամենը յոթ ժամում։ ԱՄՆ նախագահ Դոնալդ Թրամփի Մերձավոր Արևելք այցից անմիջապես առաջ իսրայելցի պաշտոնյաները նախազգուշացրել են Վաշինգտոնին Իրանի միջուկային օբյեկտների վրա հարձակվելու պատրաստակամության մասին, հայտնում է The New York Times-ը (NYT)՝ հղում անելով աղբյուրներին։
Նրանց տեղեկություններով՝ Իսրայելը ցանկանում է ամբողջությամբ դադարեցնել Իրանի կողմից ուրանի հարստացումը և հասնել հանրապետության միջուկային բոլոր օբյեկտների ապամոնտաժմանը։ Իսրայելի պաշտոնյաները մտավախություն ունեն, որ փորձելով միջնորդել Իրանի հետ միջուկային գործարք կնքել՝ Թրամփը թույլ կտա Թեհրանին հրաժարվել իրենցից:
Axios պորտալը, հղում անելով աղբյուրներին, ավելի վաղ հայտնել էր, որ Թրամփը նախազգուշացրել է Իսրայելի վարչապետ Բենիամին Նեթանյահուին ցանկացած գործողությունից, որը կարող է խոչընդոտել Իրանի հետ միջուկային համաձայնագրի շուրջ բանակցություններին:
