Թուրքիայի արտգործնախարար Հաքան Ֆիդանը շաբաթվա վերջին կմեկնի Կիև՝ մայիսի 16-ին Ստամբուլում կայանալիք բանակցություններից հետո Ուկրաինայի շուրջ ստեղծված իրավիճակը քննարկելու համար, հայտնում է Reuters-ը՝ վկայակոչելով աղբյուրներին։
Ֆիդանը երկօրյա այցով Մոսկվայում է։ Երկուշաբթի նա հանդիպել է Ռուսաստանի նախագահի օգնական Վլադիմիր Մեդինսկու հետ, որը գլխավորում էր ռուսական պատվիրակությունը մայիսի 16-ին Ստամբուլում Ուկրաինայի հետ բանակցություններում։
Թուրքիայի ԱԳՆ ղեկավարին երկուշաբթի երեկոյան ընդունել է ՌԴ նախագահ Վլադիմիր Պուտինը։ Սպասվում է, որ երեքշաբթի օրը նա բանակցություններ կանցկացնի իր ռուս գործընկեր Սերգեյ Լավրովի հետ և համատեղ մամուլի ասուլիս կանցկացնի դրանց արդյունքներով։
«Սպասվում է, որ Ֆիդանը այս շաբաթվա վերջին կմեկնի Կիև՝ հանդիպելու ուկրաինացի պաշտոնյաների հետ և վերահսկելու իրավիճակը Ստամբուլում մայիսի 16-ի բանակցություններից հետո», - հաղորդում է գործակալությունը:
