Սլովակիայի վարչապետ Ռոբերտ Ֆիցոն անընդունելի է անվանել Գերմանիայի կանցլեր Ֆրիդրիխ Մերցի մեկնաբանությունները ԵՄ կողմից Սլովակիայի դեմ հնարավոր պատժամիջոցների մասին և ասել, որ նա մերժում է մեկ կարծիքի քաղաքականությունը։
«Այն, ինչ ասել է կանցլերը, անընդունելի է ժամանակակից Եվրոպայում»,- լրագրողներին ասել է Ֆիցոն՝ մեկնաբանելով Մերցի խոսքերը։ Սլովակիայի վարչապետը երեքշաբթի այցելել է Հայաստան, և նրա մեկնաբանությունը տարածել են սլովակական մի քանի Telegram ալիքներ։
Նա աել է, որ «եթե ինչ-որ մեկն ուզում է մեկ միասնական պարտադիր կարծիքի քաղաքականություն վարել, ապա դա ժողովրդավարության վերջն է»։
«Եթե ինչ-որ մեկը կարծում է, որ ես ինձ թույլ չեմ տա արտահայտել իմ սեփական կարծիքը, ապա նրանք շատ են սխալվում»,- ասել է Սլովակիայի վարչապետը։
Նա հայտարարել է, որ պատրաստ է երկխոսության եւ անհրաժեշտության դեպքում կարող է հանդիպել Գերմանիայի կանցլերի հետ։
«Ես Սլովակիայի քաղաքականության մեջ չեմ տեսնում որևէ բան, որը որևէ մեկը կարող է անվանել օրենքի գերակայության խախտում»,- եզրափակել է Ֆիցոն։
