Իսպանիայի արտաքին գործերի նախարար Խոսե Մանուել Ալբարեսը կոչ է արել էմբարգո սահմանել Իսրայելին զենքի վաճառքի վրա՝ Գազայի հատվածում երկրի ռազմական գործողությունները դադարեցնելու համար։
Նախարարն այս հայտարարությունն արել է Մադրիդ+ խմբի 20 երկրների արտգործնախարարների հանդիպման նախօրեին, որը տեղի կունենա Մադրիդում՝ Մերձավոր Արևելքի խնդիրների շուրջ։
«Եթե Գազայում պատերազմը չդադարի, ապա մենք պետք է անհապաղ դադարեցնենք ԵՄ-ի և Իսրայելի միջև ասոցացման համաձայնագիրը, որի երկրորդ կետը վերաբերում է մարդու իրավունքներին: Մենք պետք է արգելք սահմանենք Իսրայելի համար զենքի մատակարարումների վրա: Մենք չենք կարող թույլ տալ զենքի վաճառք Իսրայելին», - ասել է նախարարը: Նրա ելույթի տեսանյութը հրապարակվել է Pais թերթի կողմից՝ X սոցիալական ցանցում։
