Մադրիդի «Ռեալի» բրազիլացի հարձակվող Էնդրիկը ծնկատակի ջլի ծանր վնասվածք է ստացել, հաղորդում է իսպանական AS-ը։ 18-ամյա ֆուտբոլիստի ապաքինման համար կպահանջվի մոտ 2 ամիս։
Էնդրիկը բաց կթողնի հունիս-հուլիսին ԱՄՆ-ում անցկացվելիք աշխարհի ակումբային առաջնությունը։
Էնդրիկը վնասվածքը ստացել է «Սեւիլիայի» դեմ Իսպանիայի առաջնության նախավերջին տուրի խաղում (2:0)։ Նա փոխարինվել էր 58-րդ րոպեին։ Այսօր ֆուտբոլիստը չի կարողացել ավարտել մարզումը եւ բուժզննում է անցել։
Ընթացիկ մրցաշրջանում Էնդրիկը «Ռեալի» հետ մասնակցել է 37 հանդիպման, խփել է 7 գոլ։
