Թուրքական կողմի նախաձեռնությամբ Ստամբուլում Ռուսաստանի և Ուկրաինայի միջև բանակցությունները հետաձգվել են մինչև օրվա երկրորդ կեսը, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Թուրքական կողմի նախաձեռնությամբ բանակցությունները հետաձգվել են մինչև օրվա երկրորդ կեսը»,- ճեպազրույցում ասել է Զախարովան։
Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցությունները՝ առանց նախապայմանների մայիսի 15-ին Ստամբուլում։ Պետության ղեկավարը չի բացառել, որ համապատասխան բանակցությունների ընթացքում կողմերը կարող են համաձայնության գալ հրադադարի շուրջ։
Ինչպես հայտարարել է ՌԴ նախագահի մամուլի քարտուղար Դմիտրի Պեսկովը, Ռուսաստանը վճռական է լրջորեն փնտրել երկարաժամկետ խաղաղ կարգավորման հասնելու ուղիներ։ Նրա խոսքով՝ Ուկրաինայի հետ առաջարկվող բանակցությունների նպատակներն են վերացնել հակամարտության բուն պատճառները եւ ապահովել Ռուսաստանի շահերը։
