Ուկրաինայի նախագահ Վոլոդիմիր Զելենսկին Ստամբուլում կհանդիպի միայն ՌԴ նախագահ Վլադիմիր Պուտինի հետ, այս մասին ասել է Ուկրաինայի նախագահի գրասենյակի խորհրդական Միխայիլ Պոդոլյակը։
The Breakfast Show-ի ժամանակ Պոդոլյակին հարց են ուղղել՝ արդյոք հնարավոր է, որ Զելենսկին հանդիպի Ռուսաստանի այլ ներկայացուցիչների, օրինակ՝ նախագահի օգնական Վլադիմիր Մեդինսկիի հետ։«Իհարկե ոչ, - պատասխանել է Պոդոլյակը։ - Միայն Պուտինը կարող է որոշում կայացնել պատերազմը շարունակելու կամ դադարեցնելու մասին»։
Պաշտոնյայի կարծիքով, ցանկացած այլ ձևաչափով հանդիպում անիմաստ է և կբերի միայն ժամանակի ձգձգման։Մայիսի 11-ին Վոլոդիմիր Զելենսկին ասել էր, որ պատրաստ է անձամբ հանդիպել Վլադիմիր Պուտինի հետ Ստամբուլում։
Պուտինը դեռ չի արձագանքել Զելենսկիի հայտարարությանը։Իսկ ՌԴ նախագահի մամուլի քարտուղար Դմիտրի Պեսկովը լրագրողների հետ ճեպազրույցի ժամանակ հրաժարվել է ասել, թե ով է լինելու Ստամբուլ մեկնող ռուսական պատվիրակության կազմում։
