Միացյալ Նահանգները ողջունում է Սաուդյան Արաբիայի միջնորդական ջանքերը՝ ուղղված ուկրաինական հակամարտության կարգավորմանը։ Այս մասին հայտարարել է Պետդեպարտամենտի ներկայացուցիչը։
«Մենք բարձր ենք գնահատում Սաուդյան Արաբիայի միջնորդական դերը կարգավորման հարցում Ուկրաինայում»,- ասել է Պետդեպարտամենտի ներկայացուցիչը, ում խոսքերը մեջբերել է Asharq News հեռուստաալիքը։ Նա նաև ասել է, որ Վաշինգտոնը «համակարգում է Էր Ռիադի հետ իր գործողությունները, որոնք ուղղված են պաղեստինյան Գազայի հատվածում պատերազմի դադարեցմանը»։
Պետքարտուղարության խոսնակը նաև նշել է, որ «Սաուդյան Արաբիան ԱՄՆ-ի հիմնական գործընկերն է Մերձավոր Արևելքի տարածաշրջանում անվտանգության և կայունության ապահովման գործում», և որ Վաշինգտոնի և Ռիադի միջև հարաբերությունները «բոլոր ոլորտներում ռազմավարական են»:
Որոշ ժամանակ առաջ ԱՄՆ նախագահ Դոնալդ Թրամփը պաշտոնը ստանձնելուց հետո առաջին պետական այցով ժամանել է Սաուդյան Արաբիա։ Սպասվում է, որ ԱՄՆ նախագահը երեքշաբթի կհանդիպի թագավորության ղեկավարության հետ, ինչպես նաև կմասնակցի Սաուդյան Արաբիայի և ԱՄՆ ներդրումային ֆորումին։
