Բաթումի առողջարանային քաղաքի քաղաքապետ Արչիլ Չիկովանին հայտարարել է, որ լքել է պաշտոնը։
«Որոշել եմ թողնել Բաթումի քաղաքապետի պաշտոնը: Քաղաքի ղեկավար լինելը մեծ պատիվ և կարևոր պարտականություն էր: Ուզում եմ շնորհակալություն հայտնել բաթումցիներին վստահության և աջակցության համար, շնորհակալություն թիմին, ում հետ ես մի քանի տարի աշխատել եմ ի շահ մեր քաղաքի», - գրել է Չիկովանին Facebook-ում:
Ինչպես նշել է քաղաքական գործիչը, նա հատկապես երախտապարտ է իշխող «Վրացական երազանք-Ժողովրդավարական Վրաստան» կուսակցությանը։
«Ես, իհարկե, մնում եմ այս թիմի հավատարիմ անդամը»,- եզրափակել է Չիկովանին։
Չիկովանին Բաթումին ղեկավարում է 2020 թվականից։ 2020 թվականին քաղաքապետ Լաշա Կոմախիձեի հրաժարականից հետո նա նշանակվեց քաղաքի ղեկավարի ժամանակավոր պաշտոնակատար, իսկ 2021 թվականին նա պաշտոնապես ընտրվեց Բաթումիի քաղաքապետ քաղաքային ընտրություններում։
Ապրիլի 4-ին Աջարիայի Ինքնավար Հանրապետության կառավարության ղեկավար Թոռնիկե Ռիժվաձեն հրաժարական է տվել։ Նրա տեղը զբաղեցրել է Վրաստանի ՆԳՆ Թբիլիսիի ոստիկանության վարչության նախկին տնօրեն Սուլխան Թամազաշվիլին։
