ԱՄՆ նախագահի հատուկ բանագնաց Սթիվեն Ուիթքոֆը վստահություն է հայտնել, որ Ռուսաստանը շահագրգռված է ուկրաինական ճգնաժամի խաղաղ հանգուցալուծմամբ։
«Կարծում եմ, որ ռուսներն իսկապես ցանկանում են խաղաղ լուծում: Երկու կողմերն էլ փորձում են պարզել, թե դա ինչ է նշանակում նրանց համար: Մեր գործն է նրանց համախմբել և ցույց տալ, որ նրանք չպետք է գնան այնպիսի ճանապարհով, որը խաղաղ լուծում չէ»,- ասել է նա Breitbart News-ին:
Պաշտոնյայի խոսքով՝ ԱՄՆ նախագահ Դոնալդ Թրամփը խնդրել է իրեն երկխոսել հակամարտող բոլոր կողմերի հետ՝ հասկանալու յուրաքանչյուր կողմի դիրքորոշումը և փորձելու լուծում գտնել։
«Մենք կողմ ենք ուղիղ բանակցություններին երկու կողմերի միջև որքան հնարավոր է շուտ։ Մենք պետք է այնպես անենք, որ բոլորը մտածեն, որ այս խնդրի լուծման պատասխանատու ճանապարհը դիվանագիտությունն է,-ասել է նա։
Մայիսի 11-ին Պուտինը Կիևի իշխանություններին առաջարկել է վերսկսել ուղիղ բանակցությունները, որոնք նրանք ընդհատել են 2022 թվականին՝ առանց նախապայմանների։
